خيبة بخت

ألوذ من البخت والبخت عاثر بيك
وأمشي بيا درب جدمي عثر سحگه
​أزرع بالوفا وأحصد جروح وآهات
وتِربات التعب تاليها بالفرگه
​أريدن بس فرح يطرق قيود الباب
يجيني الهم جمر وبحسرتي يحرگه
​أصيح الله وأكول يمتى بلة تهون
وعمر كامل يمر وما شفت ملگه
​أناطر بالفرج والوجع صاير ضيف
يدگ باب الگلب وبكل كتر دكة
​نشف ماي الصبر والعين تربي طيوف
والمأمل لِفّو.. تاليها بس صفگه
​شسولفلك بعد والغصّة خنكت صوت
مثل مخنوگ عبرة وضاعت الشهگه
​أجامل بالخلك والداخل يوج نار
وعزيز الروح لَمّن يبتعد شلكة
​كتبت اسمك وفي بحبر الدمع والآه
وعلى جدار العمر دمعاتي محترگ
​غشيم وصدگت وعودك تظل وياي
وأنا الشايل خلك يسوى الهوى وخلگه
​أدور بيا ركن عن ضحكة غابت وين؟
وكل ركن المشيته بحسرة الروح الگه
​حرامات الوفا يضيع برخص للغير
ومثل فتكة السد جرحي نفتح فتكة
​بچيت ومسحت دموعي بردن هاليوم
وما ظلت بعد بالعين إلك حرگه
​أبشرك گمت أضحك والوجع مدفون
والباع المشاعر.. يحرم اذا صدكة