سكتة

قصيدة سكتة

وج يا ليل الشوگ وكثر السكته
الزعل مريود منك لو حصل وقته
زعلت لوحدي ما غربيت الحال
لا حگ الأخذت لا عوج عدلته
وحدي بديرة الخرسه .. انفتح بيا بوق
ماكو أحد سمعني وگال شنهو انته
گصت بيه غربتي ولا أمس معروف
صرت آنه ويه بعضي بهالوكت نكته
متعب من هموم المجتمع والروح
يذوبني الشمع وتگطر بسكته
وراهي على الوطن ما يوم ساومته
أرضى بالجراح ونزف حد الموت
وأشيط من الگلب والصبر جربته
نعم شفته وعرفته وعاشريته سنين
بي مقتنع ما حل يوم مشكلته
جربت الصبر وياه عمر مخنوگ
وعلى خامس وسات الصبر گلبته
لعنده مخالب ولظلم بخته
ما حرك الساكن چنه چنه میت
دم بارد وسابت طرگ فوكه اشته
الصبر خلص زمانه يداري هذا وذاك
يا ذل من عاشره ودخل مدرسته
نعيم الخباز