الأختيار
اهدي القصيده لكل شخص رايد يحبن من صدك
يتحمل الضيم وقهر ويشوف قلبه يحترك
لا تصدك بايام البدايه كلهه عسل وسوالف وورد
تاليتك تنصدم عكس الي جان يحجيلك بالوعود
ولا تخلي الجرح يتعمق حيل
اعرف زين اصل الي تريده
وخلي كدامه شهود
والي عاف كبلك هواي ناس
خليهه ترجيه بأذنك ولا توصل بطريق مسدود
الي عاف كبلك ناس سهله يعوفك ويخليك لوحدك مهدود
اتعب من تريد تلكه الشخص الي يستاهلك
والي يريدك بكل حماسه وظهر مسنود
ولا تخاف على عمرك وتكول ما لي نصيب
قسمتك ربك خالهه على كد نيتك وزود
ولا تلح بشخص مو كد كلمته
تلكاه يوم وياك ويوم ما موجود
حبلك انسان يسعى الك حيل
ويتمنى بكل حياته تصير انت المسعود
اريدك ما تقلل من قيمتك وحبك ابد
مهما كلبك راد هالشي خلي عقلك دوم مشدود
واتمنالك يوم تعيش مرتاح
وتلكه انسان يستاهل كل هذا المجهود
كلبك غالي حيل وهوااي
انطيه لواحد يحبك ويتفاخر بحبك بزود
كل الموفقيه