اجفوفك مدارس

نعرف بلكُمر بالسمه يضوي الكاع
اشعجب انته كُمر والكاع شايلته!!
,
يالهفة عشك يا واحة الأبداع!
اسمك بالقصيده وروحي عاشكته
,
اجفوفك مدارس منهج استطلاع
شرط بالعنده غيره اوياك سجلته,,
,
يوسف بين اخوته وجاسته الأوجاع
وكالوا هذا دمه , اذيابه ماكلته!!!
,
وانته ابطبعك الفايز عله الأطباع
جيش امعادي اخوك ولحظه ماعفته!
,
ورغم ما جيش اميه امرتب الاوضاع
الجيش المصفط ,,,, انته طشرته!
,
وصاك الوصي وذاك التعب ما ضاع
روحك صار اخوك ونعرف ابقصته!
,
ولهذا وكع ( هو ) ابوراك ابساع
صاح انكسر ظهري وصعبه سالفته!
,
الرايه والرمح رادن اوياك اوداع,,
والسيف ايون عليك وتنسمع ونته!
.
حتى السهم لعيونك فزع فزاع!
مو قصده يصيبك ! دولباه وَكته!
,
راد اينام بعيونك لكاهه اوساع
دره ابعينك مضيف الهسه شايلته,
,
شاعر جيت أوصفك والقوافي انواع
وافعالك حجت ضل الشعر سكته!
,
الغيرة البل نفس ما تنشره وتنباع
ياكافل الغيره الجانت ابوكته!!
,
احسين السفينه والجفوف اشراع
تجي الروجه القويه وروضتها اَنته,
,
هذا يافرات المايجيك ابساع؟
بس عطشان جان ورحت شَربته
بس عطشان جان ورحت شَربته
حسين االساعدي