البرلماني الكاذب

حدر جفن الصبر چم حلم صابه غياب
وشهادات التعب مصلوبة عالشجرة
قريت وشيبت حتى المتون وياي
وتاليها الوكت يرميني بالحفرة
انتخبناكم أمل والنية چانت طيف
وطلع چذب الحچي ومغمس بمرّة
رسمتوا قصور النا وجنة عالبيبان
وبس صعدوا الكرسي انباكت العشرة
تذكر من چنت تتوسل بيا بيت؟
وتسوي من الوعود جبال للفقرة
التعين هسة لحصة ابو المالات
والخريج واگف.. ينسحن عمره
يفر بيك الزمن وترد لي محتاج
وتدور عالصوت وبيدك الجمرة
هذيج الساعة احرمك طبة الدار
وأشيلك من خيالي وأكطع النظرة
وأطردك طردة الماله صاحب يوم
وأرويك الغدر وشلونها الغدرة
لملم كل وعودك.. كافي تمثيل
ما نرجع بعد.. والما مضى نبره
خلصت مسرحيتك والستار انشال
والخريج ثار.. وفاض بي صبرة