ساده احنه ونظل التاج فوگ الراس
ودينه بكل عصر وبكل زمن تباس
سماحتنه الحسين وغيظنه لعباس
جيمه على جيمه ارعد بيهه

انتظر ردك تحن.. لولا ..وضحه
وتره بذكراك صبح وعصر وضحه
يمر كل عام عيد الفطر وضحه
بس عيدي الصدگ نلتم سويه
رياض نعيم الموزاني

الى اخي وصديقي الشاعر عمار الدليمي
الطيّب لليكسره الوكت عمار
والك منزل بلب احشاي عمار
الجرح لاتظن بجفاك عمار
الك وحشه يبوذات الابيه
صادق العارضي

بلاهم من نواياهم.. "بلاهم"

حياتك ما تهنى! الا.."بلاهم"

يفارقك همك و تصبح "بلا هم"

توفيق من ربي و النيه مطيه 

شبهتها الروح بغيابك ... بهاتين
واشفافك مو عسل بيها ... بها تين
لمحتك تفرح بجيتي ... بهاتين
اعيوني ويشهد العباس ليه

شتلنه الحب دكّلي....ونشتلنه
العكّل تاه ابغيابك...ونشتلنه
صدكّنه ابوعودك ...ونشتلنه
دصدكّ مرّه عاد وأوفي اليه
الشاعر حميد الشيباني

تغيب الروح بغيابك واردها
كتاب جفاك من عندك وردها
روحي بفركتك يذبل وردها
شمس انت وتنور الدرب ليه

تظل ناقص عقل لو تحب مرتيــــن
من اول مره تعثر لازم اتـــــــــــوب
كلب واحد بصدرك من يموت تموت
ما اعتقد عندك درزن كلـــــــــــوب
شمعه انت وغرامك خيط من نـــار
...ومعروفه النهايه وياهو ليـــــذوب
اذا مفتاح كلبك بالمحبه يضيــــــع
انصحك من تطب لا تقفل البــــوب
العشك ثوب واذا ماينصح ويــــــاك
مو انت التنزعه ينزعك الثــــــــوب

تسألني احبك والله اموت عليك.
موتدري من اشوفك تضحك عيوني
ومن تبعد علي أيامي وحشه اتصير
والفرحة ابد ما تسكن اعيوني
لا تسأل حبيبي ونت تعرف زين
صدكني بسؤالك تكثر اجنوني
حبيتك ترف والكلب بيتك صار
بس هسه من اشوفك تفرح عيوني
من يوم العرفتك واني مغرم بيك
صرت انت شرابي ونت ماعوني
واني بكل دقيقه تمر عليه اشتاك
وصرت اول حلم من تغمض عيوني

أنا بيدي وتد بالكاع دكيت
ولادكة نذل بالناس دكيت
بعدني وماطح بالكاع وانت طبول علي دكيت
ولك شد وصله وبعد إركص عليه