الوفاء

أثاري أهل الوفا بهالوكت عملة شوگ
وينذم الوفي.. والصاحب الخوان!
ولا تمشي ورا الما يوفي بالچلمات
اليبيعك بالرخص ما يملك الوجدان
خاوي الصاحب اللي وكف وياك
مو ذاك الـيضم راسه من يصير محان
يظل الوفا ناصع مثل غيم الصيف
ويموت النكر طيبك.. غرك بالنسيان
الوفا شمرة زلم وعگول بيها ثگال
مو كشخة هدوم وگعدة الديوان
​يموت النكر طيبك ما يشيعه الشوگ
ويعيش الوفي وذكره يظل عنوان
خاوي الصاحب اليثبت مثل حيطان
إذا مال الوكت يتچيلك الذرعان
شريان الوفا بالدم يظل موجود
اذا مات الوفا.. ماتت قيم لانسان