اهل العوز

وكــت اه يـا وكـت صـرنـة احـنـة اهـل الـعـوز
وصـرنـة اكـثـر بـلـد مـعـروف بـالـفـقـرة

طـفـل درسـة الـشـارع وامـتـحـن بـالـكـاع
بـالـجـدوة اخـذهـة الـعـشـرة مـن عـشـرة

وطـفـلـة اتـمـد اديـهـة فـدوة عـمـو شـبـيـك
ردت بـس ربـع مـنـك مـاردت حـمـرة

وهـوة بـلا كـلـب صـعـد الـجـامـة وراح
لا هـزتـة الـدمـعـه الـشـهـكـة والـحـسـرة

وابـوي الـكـافـح وعـاش بـقـيـم واخـلاق
هـذاكـوة بـتـقـاطـع مـنـكـسـر ضـهـرة

وشـوف الـكـارثـة بـأمـي الـكـتـلـهـة الـشـيـب
تـمـد ايـديـهـة لـلـمـايـسـوة نـظـرة

صـدك صـرنـة احـنـة هـيـج وصـدك ضـكـنـة الـعـوز
صـدك كـل امـهـاتـي كـلـوب مـنـكـسـرة

ويـنـك يـاعـلـي يـا مـلـجـء الأيـتـام
يـارب الـغـنـة و يـامـنـقـذ الـفـقـرة

تـعـال احـضـرنـة بـس ويـاك جـيـب الـسـيـف
تـعـال احـضـرنـة ذولـة الـكـتـلـوا الـزهـرة

ذولـة الـمـوتـوا اطـفـالـنـة مـن الـجـوع
وبـجـوا عـيـن امـي الـطـاهـرة الـحـرة

ذولـة الـحـرمـوا ابـنـي يـكـول دار ودور
ونـيـمـوه بـالـشـوارع والأرض جـمـرة

عـلـي بـيـنـة الـيـأس تـدري وصـل لـيـويـن
مـثـل اعـمـى ويـحـاول يـلـظـم الأبـرة

عـلـي تـكـدر جـنـت تـمـحـي الـفـقـر والـعـوز
بـس خـلـيـتـة حـتـى اتـوصـل الـفـكـرة

غـنـي يـسـاعـد فـقـيـر وكـلـهـة ايـد بـأيـد
عـلـي مـات الـفـقـير الـمـوتـاه صـبـرة

عـلـي كـلـشـي انـتـهـة مـاظـل مـحـبـة وطـيـب
اخـوي بـكـل ظـمـيـرة يـحـفـر الـحـفـرة

( لـو كـان الـفـقـر رجـلاً لـقـتـلـهُ )
الـفـكـر لـو زلـمـة هـسـة اطـفـالـنـة اتـفـجـرة

حــارثـ غـسـانـ الــتـمـيـمـيـ