حاجة بربع
الحاجه بربع .. حاجه بربع .. حاجه بربع
فوگ الرصيف المنشلع كلشي اني ابيعه بربع
العين بربع .. بس شرط اخذهه بلا دمع
ردلي الدمع .. تدريني اني بحاجة دمع
كل ساعه يمعود انفجع ومحد فزعلي من الربع
عوف الدمع والعين اخذهه وسوي فضل
عالاقل ما شوف الورد الينگطع
عالاقل ما اشوف الغزاله تموت بأنياب الضبع
الحاجه بربع
الريّه بربع .. مو وحدهه اخذهه ويّه الضلع
مو بس ضلع .. كلهن شلع .. كلشي بـ ربع
حته السمع هم بربع
شفايتلي لو ابيع السمع
عالاقل ما بعد استمع صوت الثكالى التنفجع
وما اسمع اصوات الگلوب التنشلع
گلّب واخذ كسر بجمع .. كلشي بربع