ابوذيات اهداء لاهل الناصريه الطيبيين
الشاعر حسين الساعدي
؛؛؛؛؛؛
ناصري أنه
نناصر دوم كلمن ناصرانه
ولليطلب الفزعه ناصر أنه
عراقي وللمدينه ناصري انه
وهويتي البلعراق الناصريه
أألساعدي
؛؛؛؛؛؛؛؛؛؛؛؛؛؛؛؛؛؛؛؛؛؛؛؛
شطره
سألته اعله المدينة إوكال شطره
وكتبلي شطر بس اشلون شَطره!
خله الكَلب بالنص صار شطره!
لمن كتب رايح مالي جيه
االساعدي
؛؛؛؛؛؛؛؛؛؛؛؛؛؛؛؛؛؛؛؛؛؛
تبقه الناصريه ناصريتي
ويروحي اشكثر منهم ناصريتي
ابصف قامات اهلها ناصي ريتي
الواحدهم علم واخذ تحيه
االساعدي
؛؛؛؛؛؛؛؛؛؛؛؛؛؛؛؛؛؛؛؛؛؛؛
الكلب كسلان جان وشطريته
جم شطر ابهواها وشطريته
وابن سوك الشيوخ وشطريته
لأن بلشطره روح الناصريه
الشاعر حسين الساعدي