بالجذب شافوني طحت

بالجذب شافوني طحت
وهاجس اخذهم ماطحت
اني بجنايزهم رحت
ومن النجف رديتهم
بشح الهوه من جان بفلوس النفس مكدار ريه انطيتهم
عندي بسكفهن جم ضلع
والله من اجر شهكه عتب للكاع اوصل بيتهم
من غركو بشط الحزن
شديت جفيني حبل وعلى الجرف دليتهم
من جانت الدنيه ركض
عديتهم طفره عمر بس بدرب تانيتهم
شهكه معالج خوتي
ماصارو اذن لونتي
من اطيح كطره مستحه اجفت واكضه بكصتي
موبس حجي.تلهث واحس صوتي ارتعش
فزعه حموله على النعش
يوسف واخوانع اثنعش
بس ماكو بير لشدتي
حبيتهم حبي لهلي
حب فاطمه لريحت علي
بس ما اشبه بلوتي..ولا موشمع
علكت اصابيعي دمع
كمت ابصم الهم عالوفه تطلع عيون بصمتي
مشكلتي مو حجم الجرح
يطيب
بس المشكله بحساسي صارا علتي
وافيتهم حد الشرك
ماحسبت يوم اندرك
خوان الي خل افترك
مافرزنت.
شهكه دموعي بوجنتي مابين شهكات الضحك