وين صبّح
وين صبّح؟-
- مدري والله..بليل مظلم فاركيته
-وين مسّه..؟!
-من طلع ماسد وراه الباب
لكن بالدرب هم بمشيته
- دوره..؟
- كَتلك مالكَيته
- شوف كَلبك..؟
- جان كَبل سنين بييته
- شوف صدرك؟
- يكره المصدور ريته..
- شوف ضلعك؟
- مثل عود العنب يابس
وايست منه وطويته
- دوره؟؟
- كَتلك ..مالكَيته
- ليش عفته؟؟..
- اعطشت مرة وماسكَاني..
وعطش مرة ومارويته
- شوف صندوك الاسرار
- بدون رزه
وكل حجي البيهن حجيته..
-شوف عينك؟
- ماكو بيها..
- شوف عينك؟!
جان بعيوني وبجيته.
_2_
زين ماشافوا النار
وفطنوا السلة متاعك
زين ماشافوا ادموعي
جالكَوا بحر الدمع تابع اشراعك
زين ماشافوا ازنودي
جالكَوا شبكَة وداعك
زين محد منهم اشتم
ريحة البوسة اعله خدي
وعالصدر دفو المكان البي
اذراعك
اسهر بفنجان فارغ
واكلب الروح اعله نارك
بسمك وطشيت حرمل
وزوكت خدي بشرارك
جنت مافطن الحسنك
لجن بّينلي البعد
كل الجمال بسد سمارك
ليش؟؟
وانت بعيد احبك
ومن جنت وياي
كل ساعة انتعارك!!
وين صبّح؟-
- مدري والله..بليل مظلم فاركيته
-وين مسّه..؟!
-من طلع ماسد وراه الباب
لكن بالدرب هم بمشيته
- دوره..؟
- كَتلك مالكَيته
- شوف كَلبك..؟
- جان كَبل سنين بييته
- شوف صدرك؟
- يكره المصدور ريته..
- شوف ضلعك؟
- مثل عود العنب يابس
وايست منه وطويته
- دوره؟؟
- كَتلك ..مالكَيته
- ليش عفته؟؟..
- اعطشت مرة وماسكَاني..
وعطش مرة ومارويته
- شوف صندوك الاسرار
- بدون رزه
وكل حجي البيهن حجيته..
-شوف عينك؟
- ماكو بيها..
- شوف عينك؟!
جان بعيوني وبجيته.
_2_
زين ماشافوا النار
وفطنوا السلة متاعك
زين ماشافوا ادموعي
جالكَوا بحر الدمع تابع اشراعك
زين ماشافوا ازنودي
جالكَوا شبكَة وداعك
زين محد منهم اشتم
ريحة البوسة اعله خدي
وعالصدر دفو المكان البي
اذراعك
اسهر بفنجان فارغ
واكلب الروح اعله نارك
بسمك وطشيت حرمل
وزوكت خدي بشرارك
جنت مافطن الحسنك
لجن بّينلي البعد
كل الجمال بسد سمارك
ليش؟؟
وانت بعيد احبك
ومن جنت وياي
كل ساعة انتعارك!!
بواسطة احمد العثمانيے (كل إضافات العضو)
