اشلون ماانقهر

اتراب الارض لو عطش
ينتظر غيمة مطر
وانة انتظرتك عمر
اوغيري ابرضابك فطر
كالولي لا تنقهر
اشلون ما انقهر
شلال انة صرت
او سويتة اجمل نهر
اشلون ما انقهر
واعثوك تمرة رون
او بعيوني اشوف النذل
يرمي عليهن حجر
لو ردت توفى التعب
وتصوم كل الدهر
ما توفي عمري الخلص
وياك دمعة اوسهر
مقتنع انتة غلط
انة بدونك اظل
عود انصنع من خشب
اوياك اخذت الوتر
ذنبي زرعتك غلط
او ما اخاف خل اعترف
او خل تدري كل البشر
عندك علاقة كنت
ولطبعك انتة ارجعت
اوياي متوالمت
ابقة انة قمة جبل
اوتمشى انتة للمنحدر