بعدنه بحيلنه

حنه ضلعي امس طير البساتين
وتصب عينه دمع مكسور خاطر
كسر جنحانه بيده وشبك الروح
ولف روحه بشرك خايف يهاجر
لان بالغربة شاف الماي سجين
وزاد الغربة احد من الخناجر
ابقه بعشي حتى اخر نفس بيه
ويشيعني بفرح صوت الضماير
مقابر غربتي لو باحلى القصور
وبين اهلي شطعم كاع المقابر
ومن رمل الوطن ننصب مراجيح
ونخلي اصدرونه اتصير السواتر
ياطير اعله بختك ماتجي اتعود
السفر طول نكلك يالمسافر
تعال وطوف بستان السلف ذاك
اليزوره وداعتك جان حاج زاير
بيت الله العراق ومكة بغداد
وسعفات النخل كلهن مناير