زرر قميصك عدل لا ينفجر بركان
اليوم من الصبح گاعد وافكر بيك
انا ابتليت بعشگ وادعي الله هم يبليك
وهم مثلي تصحى الصبح ماتعرف انت شبيك
متورط بهل عشگ من راسك لرجليك
اعترف كله چذب لو گلت انا ناسيك
شنسى شفايف عنب وطولك نبع ريحان
مملوح كلك ملح وعيون كالغزلان
والشعر فوگ المتن نازل على الرمان
زرر قميصك عدل لا ينفجر بركان
تعبان واحنه سوا ولو نفترگ تعبان
اليوم من الصبح گاعد وكلي جروح
مليون فكرة تجي ومليون فكرة تروح
مو گلبي وحده انجرح كلي أحس مجروح
اختنگ واتنفسك وترجع ترد الروح
مامتت بعدك أنا بس عايش ومذبوح