تجرحني وأحبك

تجرحني وأحبك حيل
يل جروحك دوه ومرهم
أرهم روحي أنا بلياك
لكن والله ما أرهم
وتزعل من أگلك أني أحبك ليش
أحس من دون حبك عايش مگطم
لا گادر أجرحك وأقسي وياك
ولا گادر أعوفك أعرف أتندم
ولا گادر أصبر الروح بجفاك
ولو تدري بجفاك شصارلي وتعلم
كل ليلة أني أشبگك واحچي وياك
وحروف أعتابي تاهت وأبقى أتلعثم
تحط راسي أعله صدرك خل اشح دموع
وحش خلاني بعدك ولو تمر اسلم
حسيت بأمانك من لمسة والله
وما أبالغ أبد صدگني من أقسم
وما ناوي إذيتك من گربت لیك
أشتاگت ريتي عطرك ردت بس أشتم
لكن عطرك جذبني وهل تماديت
وصحيت أنه اعله جرحك لني چنت أحلم
أعذرك لو أعاتب حرت أنه وياك
جرحتني من الزغر يل عشت متنعم
ناذر عمري إلك وخليني بس أهواك
وتهنة أنتة بحياتك عوفني أتآلم