تانيتك

دنيانة لغز والخافيات أهواي
الگمر يطلع بس محد أيفهمة
زغيره أمرايتك والناس عدهه أعيون
وشيفيد النظر كون الگلب يعمة
دليني عليك أستاهدك وياي
من گام الظلام أيتيه النجمة
وسيرلي صبح مو شرط بآخر ليل
الماضايگ فجر ما ينحسب زلمة
شالو غيبتك چيه ماگلت تعبان
وعدنه الماوگع محسود عالنعمة
تانيتك محطة أبواهس التعبان
ونثرت إعله الدرب تاريخ شيلمة
يمته أيمر قطارك والدروب أطوال
وتدري اليختنك يشتاك للنسمة
وتره كلمةصدك مابيهه خمس احروف
بس طبع الصدگ يمتاز للجلمة
مو قسمة الهجر طين الگلوب أشكال
بس من مستحانة أنعاتب القسمة