نيسان 26 2018

قصيدة وياك أبتديت 2018 - إيهاب المالكي

وياك أبتديت 2018
إيهاب المالكي

تعرف غلاتك لو بعد
يحتاج ابين اكثر
يالبيك لهاني العمر
ما ركزت بيمن مر
يمكن اذا گتلي شكثر
تهواني راح اتحير
اليل عدي محبتك
بس باچر تزود اكثر
الادري بيمن تبتعد
مدري شحس بحيرتي
صدري حفر بي خنجر
مگطوع شريان ابهر
يندفع شباج الجفة
وبالروح شي تكسر
اشتاگلك...
بس الحچي المضموم الك يتبعثر
وبدون موج احتاجلك
بالبر وحس بيك البر
مرات ادور الجيتي
كبالك سبب يتفسر
وتلمحني احرك الخاتم
وابدي ارتبك وتحسر
وهنا تحس بقيمته
البس عله شوفك يضطر
يفكت عيون الگلب
يا ميزتي البيها انغر
مو رايدك واتنفسك
لا يا نفس شي اكبر
يا روح ما تطلع مثل
روح من التموت اكبر
اني اعرف بزعلك
گبل ما تزعل وياي اگد
والنوم يتركني وقت
ما تنوي عينك تسهر
يا ريت كل هذا الحچي
من اگعد گبالك يحضر
ونلتهي بعينك بعد
تهمسلي حتى اتذكر
وياك اذا ما سولفت
من الصمت لا تحذر
مرات مو كل الحچي
يلم المشاعر يگدر
اني آمن التهوا صدگ
تتنخه بي من تعثر
روحك علي تتگدر
تنشف لحد ما يخضر
لو برد ملگاه تشتعل
ورماد خلگك ينذر
وانت اعرف شلون اختنگ
من نسمتك تتأخر
اگبل علي روجة عتب
وتقرب تكون اخطر
بس ها عتب بس للمثل
مو بالزعل تتأثر
تلگاني ناطر روجتك
فارش جرف يتعثر
بس انت ردتك من چنت
مابين الاحلام افتر
ومادامك بحضن الجفن
جف النظر خل يگصر
وياك ابتديت
بدونك شلون ابتدي شتتصور
عنك ردت مرة ابتعد
والغيض بفكاري ابحر
وتراجعت بنفس الوقت
من حرت بيش اتعطر
يخفت ضواي ومايضل
لو شوف الفراگ ابصر
والليل يتشمت هوا
بخيط الشمع من يصغر
إضافة قصيدة