گصت بيه اليالي حيل ياحيل
طحت ولناس كلها تصيح ياحيل
تعال لحالي شوفه شلون ياحيل
أثر فراگک ما ظل حيل بيه
---------
لسان حال الامهات بعد زوج الابناء
بسهر ليلي ودموع العين ربيت
وعلى صدري بسنين ارباك ربيت
كبرت يبني وصرتلي الان رب بيت
ابن مرتك صرت وكطعت بيه
======
ابن مرتك صرت ياحيف وكفيت
ولاجني بصغر وياك وكفيت
سهري اعليك وي رباك وك فات
كل ذاكه نسيته وخنت بيه
======
الف جرح بغيابك صار عدنه
اذا شكيت بيدك كوم عدنه
اذا عدت الغياب انوب عدنه
نشتم المات منك والبقية
********
شتطلب گالي أمرني متر تين
للطوله عنب متره ومتر تين
من حسنه ردت صدگ متر تين
متر للناس كلهه ومتره اليه
**********
ظلام البيك داكن شقسمانه
وتريد وياك عالحب شقسمانه
جلد كلبك اعرفه شقسمانه
شجاني وجبت كلبك بين اديه
**********
يدنيه شعندج من ارماح وجهي
ولو جان بمكاني ايوب وجهي
اباوع بالمرايه وشفت وجهي
دنك ماحمل ضيم العليه
************
مو عيني دمع جسمي ينز لك
يبيتك بالكلب صاير ينزلك
علم عالراس من يكدر ينزلك
والخدمتك روحي لبست عسكريه
***********
اليحبونك بصدك لا تسلهم
وابد عن سبب حبك لا تسلهم
لمن احجي وياك عفيه لا تسلهم
احس تاخذ الروح بغير جيه
***********


حبك بالكلب غالي وشلتك
ودمعي بيوم هجرانك وشلتك
احب كلبك وصحبانه وشلتك
واحبك حيل يالمبعد عليه
************
مسجون لاجنح عندي وامركم
اظل خاضع لمحبتكم وامركم
لابد هالسجن يخلص وامركم
واعاتب كل نذل ما مر علية
*********
ياربي لو ننخاك العبد عينه
وسيعة وماتحب الكحل عينه
رفع طرف العبايه وشفت عينه
وشفت ميزان ونجوم وثريه
*********
متعود على احبابي وراهم
ما بيه حيل أمشي وراهم
لون أدري العشگ هيچي وراهم
أبد ما حب ولا أمر بالأذية
***********
الوكت عمدا بيه طالب آنه
فرد طلبه من الله طالب آنه
أتمنه أصير عدهه طالب آنه
تدرسني وعطرها يعط عليه
************


دهر ياناس بضلوعي وانا ابني
واخوي الماحمل ضيمي ولا ابني
وعلاقة بعد ماكون ولا ابني
لأن ياهو الأحبة يخون بيه
************
الزمن سويتة حرمة شيليتة
وحملتة كارة مذلة شيليتة
اخوي الجبتة جاري شيليتة
طلع علاس ويبلغ عليــــة
********
شربت المر وجرعت الآه عالآه
واصيح الآه وانت ترد وعلآه
وحگ الي سره بعبده وعلاه
لأزگيك الزهر باثنين ايديه