دنيانه بس الليل

غابت شمسنه وصفت . دنيانه بس الليل
لا مر علينه الگمر . لا مرنه نجم سهيل
يا مهدي هاي البشر . ماخذها روج السيل

شيگضّي هذا الوكت . والدنيه كلها جروح
بيّه كآبة غُرب . يحلالي بس النوح
محتاج شوفت وجه . بيّه يرد الروح

ساكت لساني وبقت . يا مهدي روحي تصيح
روحي غريبة وطن . كل لحظه تهوه تطيح
والله بغيابك صرت . ريشه ويفرها الريح

تعبني طول الهجر . لا مو سنه وسنتين
يسأل عليك النظر . كل لحظه يسأل وين
ما تنظر بلا ضوه . هذي طباع العين

حالي بغيابك صبح . اعمه وبلا گايود
كل محنه بيه التمر . تگضي لون موجود
ابقه بأمل وانتظر . بلكت اليه تعود

الشاعر : ابو قاسم الملا