مساجلة دارمي بقلمي تخص الاخوة والصداقة

حلوه الصداقه اتصير من تجمع اثنين
بحب الله يتباهون وي حب الحسين


غصبن عليهه اتصير حلوه الصداقه
بطيب ومحنه وشوك طبع العلاقه


الخوه تبقه احزام للشده مذخور
طول الوكت وياك كل عمري منذور


خوتنه خوة طيب مو خوة افلوس
يانعم الاخوه اوياك انته اعله الجلاوي ادوس


هاي الصداقه اتريد طيب وتسامح
واليوفي خويه اليوم صدكني ناجح


الوكت لو جار اوياك انه التجيه
افديلك العينين وي روحي سويه


طيب اعرفك زين من نسل طيب
بس شوفتك والعباس تنقصنه يحبيب
بقلمي صادق شنان العارضي