خرجية للكلفات ادفني افيدك
واطلعني يوم الضيج من تفرغ ايدك

ماي الوجه ينباع للوجهه بيه ماي
وهسه آني ابيع عليك چي انت شراي

كون التنگله الناس ينصف جبيله
موش على باطل دوم فارش شليله

افزع واهد تفاگ لو عالو عليك
ولاتظن جي زعلان واحد يمر بيك

سبحه وترس الچفوف كومة محابس
رش العطر شيفيد للأصله خايس

ابو قاسم الملا

تبقه بوسط هالروح
تبقه انته ظلعي
ولو أحسب الغالين
إنته اغله ربعي

كلما ادور عليك ينده لساني
انده عليك الناس بلكي تراني
........................................
شنده واكول اليوم للصحبة طاحت
كلما اغربل بي ما يصفى ...(* باحت)
*بمعنى ظهرتلي حقيقة انهم طاحوا

بقلمي حسن هاشم

قصه ودارمي،
جان لشاعر حميد ال سرهيد صديق اسمه جياد ،، اجه جياد لمضيف حميد مسير ،، وحميد اكو واحد مضوجه سلم جياد ومن وصل لحميد ال سرهيد شاف ايده عركانه گاله خويه شو ايدك تصب ماي قال حميد ال سرهيد ،،،
،
شامت لچمنـي اليوم هيج البيه
وسال الدمع يجياد حتى من اديه

صابني عشر أمراض وهونهن السل
تسعة بقهر وبضيم واخرهن الذل

الرد

إذا أنت عشر أمراض صابنك ارداف
سلفت هم للناس خلى دنية مني تخاف

كاتب وفكر بيك وفكاري خلصت
من كد ما افكر بيك اعصابي تلفت