ابوذيات للشاعرعمرالحربي

اخلص هم ورة ساعة يمر هم
يصير اماد من يهفت يمرهم
اكص جدمي اذا مرة يمرهم
ولا انسى الجرة والصار بية

عليش ملايم بكلبي يحزني
جرحك بعد ما يبرة يحزني
خنجر مدري يا صفحة يحزني
المهم من كل كتر اصواب بية

منو مثلي يعالم صار بي هم
على الضاع الوفة والطيب بيهم
يكون الصار بية يصير بيهم
ويشفون الجرة والمر علية


يروحي من الحزن هيدي وكـفّي
وعليَّ صار الـدمع مـورد وكـفّي
أصب همي بوسط طاسي وكـفّي
يـفيض وتـحـرك نـيرانه اديَّـه

بـنـيـت الـروح بـالـونّـة وهـدمـاي
وعـلـيّ ثـوب الـحـزن چـفّـن وهـدمـاي
سـألـت الـفـرح ويـن أهـلـك وهـد مـاي
بـچـى لـحـالـي وتـرك لـوعـات بـيَّه

يبس عود الصبر بالروح وندب
وعلى خدود الليالي العوز وندب
أصيحن وانخى بالطيبين وندب
لأن حملي ثجيل وعم عليه

نهجم بيتك يا كَلبي مَن يعينك
وتهيم وماكو واحد مَن يعينك
الظنيته ذخر وبشدة يعينك
​جفه وخله السهم مـركوز بـيـه

يگلـبي الما رسـى بـشاطي ولا چـن
وعليـك اسـيوف هـم وكتي ولا چـن
أون والـناس تـحـسـبـني ولا چـن
أبـاري جـروحي بـس تـعـيل بـيَّه



فراكك غيم بدموعي .. سماره
وعقلي تاه ما يندل .. سماره
الوكت بجفاه راواني .. سماره
وصفيت بنوح تتبعها المنية

فراكم غيم يدموعي سوادة
ودليلي من الهجر معلن سوادة
نشدت الليل شو طول سوادة؟
لأن شمس الوجن غابت عليّـة

كواني البين من جفيت .. وسفة
ونمت عالضيم والآهات .. وسفة
عشرتي وياك ضاعت هيج .. وسفة
بسبب غدرك صفيت بغير نية


عزيزة الروح ما تقبل هوانه
ولا نمشي بدرب مو من هوانه
اليخون العهد لا يوصل هوانه
نعيش برحمة الله وهاي هيه