ابوذيات للشاعرعمرالحربي

اخلص هم ورة ساعة يمر هم
يصير اماد من يهفت يمرهم
اكص جدمي اذا مرة يمرهم
ولا انسى الجرة والصار بية

عليش ملايم بكلبي يحزني
جرحك بعد ما يبرة يحزني
خنجر مدري يا صفحة يحزني
المهم من كل كتر اصواب بية

منو مثلي يعالم صار بي هم
على الضاع الوفة والطيب بيهم
يكون الصار بية يصير بيهم
ويشفون الجرة والمر علية


يروحي من الحزن هيدي وكـفّي
وعليَّ صار الـدمع مـورد وكـفّي
أصب همي بوسط طاسي وكـفّي
يـفيض وتـحـرك نـيرانه اديَّـه

بـنـيـت الـروح بـالـونّـة وهـدمـاي
وعـلـيّ ثـوب الـحـزن چـفّـن وهـدمـاي
…

يگلبي بيش اخيطنك ولحماك
ولا واحد شگف عنك ولاحماك
يجيك الضيم من دمك ولحمك
من اقاطعهم تلوم الناس بيه

نسيج من الحزن بالروح .....ينحاك
وعظمي من شديد الحزن .....ينحاك
اذا انته طير انكسر •••••.....جنحاك
انا جنحي وخاطري انكسرن سويه

‏مو شرط اليحب يعلن گبال الناس
ويجهر بالعشگ ويبين اشواگه
حلات الشوگ يبقى بوسط الگلوب
وحلات اللهفة تبقى ليوم الملاگه

انه الحبيته ومعاند واريده

ترف شفت آنه من جلده ورديه

اجاني وخنجر مخلي وره ايده

كلت يحميني بس نيته الاذيه

ونيني فزز النايم وصحّاه
بسبب لا حيل ضل عندي وصحّه
يـَ صاحب وحدي اتلوى واصيح آه
فلا واحد فزع لي ونغر ليه

بهيمة ذياب حاطني ويعوين
وصرت مااشخص بجسمي ويعوين
المصايب للظهر يحنن ويعون
التمن واردفن كلهن عليه

خذت الگلب نصه وياك يوكل
وصديجي وياي الا بطمع ياكل
الاجه خلافي صعد على النخل ياكل
الملك ملكي ويمنعونه عليه

اشيلن طن حمل گلبي وحطن
المصايب چلچلن فوگي وحطن
الچنت اخذ من حلكي وبحلكه احطن
تركني ليش وخان بيه

الگصب لو مات ماينذب يرد ناي
الهلي تيهت ماواحد يردناي
ابد لاتمسح المدمع يردناي
اريد اعمى وتگود الناس بيه