يگلي الگلب ما يهوه منعتاب
وشعتب بعد ما ينفع منعتاب
اكض رجليه واكطعهن منعتاب
مو بابك على بابك بديه
كلماتي

وحگ الي فرض كل عام .....زورة
هظمني الرافكاني وبان .....زورة
عفتني بگاع سيد ادخيل ....زورة
الطناطل والحيايه تروش بيه

اتغاضه عنك موش معناها خوفه
لگمه الكلتهه وياك گالتلي عوفه
منقول

احبك مثل حُب الطير لسماه ... وكلبي ضرب عقلي وطالع السماه ... صدتك مثل صيد الصكر من سماه ... وين الوفه وانت تخون بيه للشاعر : مهيمن صدام

حضرتك تختَفي واشتعل مثل النار
اضل مِتوتر وعايش على اعصابي
وأنه من اختفي ميضل بالك ليش
عندك وادم يلهوك بِغيابي؟

تبـعدني شعجب مو جنت عكازات
حته بنــومتك يـــم راسك تمدهــن؟

محلفك تكطع ودادك.... وذاما
بركبتك يل كرهت اسمك ...وذمة
حدي وحدك الليله ....وذا ما
عفتك لا نفع لا خير بيه

سرت وحدي ابعيوني الآه ماي و
جمر و دموم من احباب ماجو(انقلبوا و ضدّوا)
لَتعجب لو عمامي اليوم مايو
لئن منهم اذى جروحي النزيّة

أبوعلي النجفي

صافي سماي واهلي (عيروني)
وحسافه بوزن ناكص (عيروني)
المشت روحي وراهم (عيروني)
المشت كدام ذبو صوج بيه

منقول

العقل اقوة من المدفع ودانة
الفخر للتسامح اليعثر ودانة
وجب نمسك ضمايرنة وادانة
ونعلي النفس فوك من الثرية