يا دهر كف الغدر، صبري وعزومي بـِـدن
والخيبة لاحت عليّ، وهـدّت قـوايا البـِـدن
أركض وأريد الربح، بس الخسارة بـِـدن
​يا ليت حـظي صـحى، وفـز من سباته وعى
واللي حِـسبته وفـي، بـس للـمـصـالح وعى
بحر الهضم مـوجته، فـاضت بـگلبي وعى
​كضيت عمري خسر، من راسي لجدمي بـِـدن

يا ناعي الحظ كفى، دمعي بجفوني يرا
وضيم اللي شفته ، لا بشر مثله يرا
أعثر وأكابر لجن، عظمي بهشيمـه يرا
​خاويت ناس الردى، وحسبتهم لي عون
وهـذا زماني لـوى، ذراعي وبـلاية و عون
أصيح وين الوفه؟ ما ظل عـزيز وعون
​والعمر يمشي عجل، وشـباقي منه يرا

يا صاحِ كف الملام، دمعي بخدودي جرى
وعمري اللي ضاع بهضم، محد بحالي جرى
أبني بقصور الأمل، والوكت عكسي جرى
​أزرع ورد بالعشك، يحصد بدالي الغدر
وأشرب أمرّ الصبر، وأكول باجر غدر
يا دنيـا كافي مـكـر، بيـّه زماني غدر
​حسـافة ذاك الـتـعب، والـعـمر منّي جرى

كضيت عمري بأسى، جرا بتالي جرا
والحظ كسر هيبتي، ونكـس بـيّه الجرا
أركض وأدور ربح، بس الخسارة الجرى
​يا دنيـا كفّي الغدر، ما ظل عظم صاحي
زرعت طيبي بملح، ما خـضّر وصاحي
أبجي بليالي القهر، من وجعتي صاحي
​وشـيفيد اطارد سرب، والـعـمر منّي جرى؟
( الشاعرعمرالحربي)

چذاب ما رايد تحب بس رايد تأذيني
والمُشكلة ادمنتك بعد
مثل الجكارة اتنفسك ارتاح وتأذيني
يالجنت احبك من صدك
هسة انت ما تعنيلي
هو انت هم مثل الوطن
انطيتة كلشي بلا عقل بس كُلشي ما منطيني
خليتني مثل الصدك ينزعل ع يحجيني
خليتني اصبع ندم معضوض
وأني المو سبب واللوم ما يجزيني
توهه الجگاره تورثت
خليتني اصفن وانتبه
بالگطف من يچويني
اتمنى ارجع من جنت ماريدك تلاگيني
اتمنى احبك يا بشر من دون متأذيني
وتگتلني وأنا بلا عقل
اشتاگلك مثل الطفل چن انت المربيني

واسكت واشتعل والكاك
بركاد النفس شهگه
واصبر الروح بالدخان
واجيك من الرماد ولايه محترگه

يسألني الاحبه اليوم عن حالي
عاينت وكتله بألم اني طيب خاطر
ويكلي مكدر للعشك كتله اني طيب خاطر
ويكلي روح ولا ترد
كتله اني مالي خاطر
كلي اتأخر يا ولد
كتله اني اصبر ناطر
كلالي وشلون الوكت
كتله اني اصبر ناطر
كلالي انطرني سنه
كتله انه صابر ناطر
كلالي اخاف من الوكت يكسر كليبك اترك
كتله اني من اول صغر جابوني مكسور الخاطر

ظاهر الزيداوي

اني انسان توجعني الذكريات اني انسان عايش بس كلبه مات انه الوفي لما وفوله وصار علج بحلك الشمات

لمن خاطري كسرت شفكرت ما اذكريت إيامنه ليش بيدك هدميت احلامنا رجعتنه ليورة والزمن كدامنه جنه ابمحبه وفرح والزعل احنه شجابنه

اكو واحد يحبلة وحدة بمنطقتهم ومن الطفولة بس ولا مرة صارحهة بمشاعرة الا ان اجة يوم وهاي البنية انخطبت لأبن عمهة فيكول هذا الولد:حلقتج وحبل المشنقة ثنينهن فرد العذاب الحلقة تخنك اصبع وحبل المشنقة يخنك ركاب وثنينهن تاليهن الموت لفاكد ولف يرهملة بس تابوت ولا يبقى ينتضر لما الة جية