ريضلي حتى أعتذر ... عَمَّا بدَر منـّـي
يلي نويت الهجر ... وعذر الهجر مني ؟
مني عليك بشنو ... حتى أقتنع مَنَّي
وَالسَّلْوَى خلصن بعد ... ماضل إلي خاطر
شاغلي أنته الفكر .... ولفكرك فلا خاطر
جربني مرني بعتب ... مرة بوصل خاطر
ولداعيك جفن النظر ... وصل بحلم منّي

ياصاح أنته الجرت ...والگطع منك بَدَر
وبادرت ما قصرت ... صرت بظلامك بَدْر
صريت تگطع وصل ... بدلت حبك بِدُّر
ضَلَّيت عن الوفه... قاصد ضَلَّالك فضَل
ناكر أفضال المحب .... لله ينكر فضل
أعمى ويدور بفلا ... خلاك وكتك فضل
عايش ظلام وحزن ... بالإسم إسمك بدر

للشاعر العراقي محمد طالب عوده

شَعَرَت بمرورك أمس لمن علي مرَّ دوّد
يتبع أثر خطوتك يدري العسل مَردود
ويدري أنته كلك كرم ماترد گاصدك مَرْدُود
المفروض عندك عرش وأنته الملك مَثَله
والمفرض شخصك رمز عِبْرَة وللخلگ مثله
بس أنته نَّاسِك طَبِعَ دَوْرٌ السمح مَثَلَه
وجاوبني ليش شعجب بابك عَلَيْ مردود

للشاعر محمد طالب عوده

يا حيف هذا الزمن مرمر دليلي وَعَل
مثلك عَلَي فَرَضَ وعن فَرَضَه مالي وَعْل
ضليت أرجى الوكت عسى يدور وعلّ
من حيث ماضل صبر والأمل منك خَابَ
والضَّيْم من عمري أكل خلص أَطوَارًه وخابَ
كل هذا وتلومني وتلعن زمانك خاب
حيف أعله مثلي نّمر يتغاوه مثلك وَعْل

....................
محذوري لغيرك إلك جوزته كله وجَازَ
فعلي الخيال بخدمتك والما جاز لجلك جاز
اِزَجَر كليبي زَجَرَ لو لحضة منك جَازَ
تدريني حبي بحر فايض بالوَفا مَدَّه
جازيني عاد بلطف وأخلاصي بوَفا مَده
مايكفيني منك لطف وصبري بوصف مده
شماتي تعزف صبا لا تخليها تعزف جاز

للشاعر العراقي محمد طالب عوده

المشاركات: 5
أثرها أعله الجرح وأضح مرسال ألك هنة
بصمات خله بقصد ياگلبي أعله المحب هنة
كافي أكطع مكاتيب العتب بأن بهوا هَنَة
شتريد منه شضل بعد حالي العذول أَذْهَلَ
وأذ ماتعني خَلَّه بمحب هذآ الجرى إذ هل
صايم تخلص العمر وهلال تتنطره إذ هل
كل البشر عيدت شو مامر بالجذب هنَّه

للشاعر محمد طالب عودة

مشكور ماقصرت سهمك بالگلب جبته
هذا أنا عود بشغف كونك بحث جبته
عليك ولَوَنْ كافر عشك يعبد كفر جِبْته
ماچان لي هذا جزه وچفك ورد أَهْدَانِي
ما ادري أشيد قصر فوق الرمل أهَدَّ أني
عساها بحظ الذي لدرب العشك اهداني
أوصلني حال الذي ضامي ويحفر بالفلاه جُبِّته

للشاعر العراقي محمد طالب عوده

فاگد عمر

انا اباب الــــــصبر گــــــاعد وتاني
الواعـــــــــدني مشه اوكتي نساني
نزف كلشي اعله جفي بليل الوداع چــني شــــــــموع منذوره بصواني
انا فـــــــــــأگد عمر مو بس محبين
زمـــــــاني بصحبتي وعمري رماني
ارده منين عــــــــمري الراح والفات
مــــن الـــــــباعني لــــــو من زماني
هــــاطولك صــــــــرت ياليل الفراگ
وبـــوكت الــملاگه اتـــمر ثــــــواني

جبار العبادي

(( العَجَل))
الغوث من هالوكت لرجاك صحنه العجل
الزمن سيفه يحد والدنيـــــــه دَور العجل
رايدهه ترجــع وره للســــامري والعجل
انته لبجفَّك فجـــــرتوردنه من منهلك
صفَّينه ويَّه الصبر بحبك هلك منهلك
والناصبـــي نعرفــه مانســأله منهلك
ألأم سقيفة رحم والاب سراه العجل

حبيتك يل رحت من عندي ما رديت
وضلتلك صور تنضرها عيوني
حسافه اليل شامت صار اليه اليل
وكبال الجنت اتباها بيك بجوني
ردتك نخله ليه وبالعشك متميل
بس من رحت بيك الناس ميلوني

صدري من ملكاك ناشف يالمشيت
#وظهري من طعنات هجرانك روه
#تريد مني ابقة عدل لمن تروح
#وانت حالك حال نسمات الهوة

بسكوتك حيرتني شلون وياك
شجاك وبلوصل تكطع علينه
نظل نحلم بجيتك ولك نشتاك
نموت عليك صدّك مو بدينه
نتمنى تمرلوبس بالاحلام
على فراكك تلفنه وانتهينا
موسهله علينه ننسه الاحباب

صعبه احنه الكرامه تموت بينه
على الحايط كتبنه الدارللبيع
نشيل وداعتك لو ماتجينه
ندري ماتجينا والطريق بعيد
نتحمل بعد غصبن علينه