الشاعر عمر الحربي
يا دار وين الحمه بيج الكلف والتجي
وظليت بعد الفقد ما من ملاذ وتجي
والعاملتهم سند صاروا علي تجي
​شال الابو يا حيف والعم علي اسفل
باع المروة وركض صوب الرخي والسفل
صارت علي ولية بيوم هدمي سفل
​ما حشموني اسف ضاع الرجي والتجي

زهيري للشاعر عمرالحربي
يا عيد لا تدك باب الـكلب مفطور
وشوف خدي من الدمع مفطور
جرحي تراه بثوب الحزن مفطور
والهم غدا لمهجتي، يا صاحبي رايه
وما مش بعد بالبشر، صاحب صدك رايه
مكسور جنح الوفا، ومتبدله رايه
من فاركوني المشو، دلالي ظل مفطور

ويا عيد كف الملامة واحترم حزني
مفجوع كلبي وعكبهم ما رهم حزني
مكسور ظهري وغياب الولف حزني
الناس تلبس فرح وأنه التحف بالآه
أنحب على اللي رحل وما ظن بعد ألكاه
يا بوية هدمي عتيج ومني الصبر تاه
والدمع بوجنتي خط ورسم حزني
_______الخميس_٢٨_٦_٢٠٢٦_______

جفني لغيرك أبد، ما يوم صد ونظر
وكلبي بسهم الهوى، من جور حبك نظر
يا من جمالك عجب، يحتاج مية نظر
​مفتون بيك العقل، عن غيب ذاتك نشد
وحبل المودة انكَطع، ما أظن گلبك نشد
لو تدري جرحي شكثر، فوكَ الوجع من نشد
​من طال عني البُعد، ما فاد بيه النظر

زنجيل زهيري للشاعر عمرالحربي

يا من جمالك سحر، صاب الحشا بشباك
وكلبي اللي حبك غدى بوسط المحبة شباك
عيني ترف لشوفتك، تركب تمر شباك
​شباك صيدك رمتني وما حسبتها حساب
واللي عشك والتهى، ما ظل لعقله حساب
يا صاح كلبي احترق، والدمع ظل حساب
​حساب السهر والوجع، خطه الزمان سطور
وعقلي من فركتك، تاه بوسط سطور
بستان حسنك زهه، وتراصفت بيه سطور
​سطور الورد والندى، تحجي لغات الزين
يا من شملت الحلا، وبكل خصالك زين
عن حبك آنه فلا، أنشد يسار وزين (ويمين)
​وزين الأطباع منك، نبع الوفه ماطاب
وجرحي بغيرك وحق رب السما ماطاب
مرني طيفك مرة، وخاطر العِشرة ماطاب
​ماطاب لي الزاد من، دونك ولا هودت
والروح من لوعتي، يم القبر هودت
نيران قلبي اشتعلت، وبصبرك ما هودت
​هودت عيون الخلق، وعيني بقت ترعاك
يا الما نسيت الوعد، ربي العلي يرعاك
بسهام صابك كحل، يا من هويت رعاك
​رعاك الباري وسلمك، من حاسد وشر
وبعدك تراني ذكت، ضيم ومآسي وشر
…

محاورة زهيري بين السمرة والبيضة للشاعر عمرالحربي

السمرة:
السمره شمس الضحى والبيضه ليلة شته
وكلب الذي يحبني بس العشك شته
والما يعرف السمر ضيع دليله وشته
حنه وعطر بالجسد والليل شعري صبغ
وما غرهه وجهي بترف وبلا ملامح صبغ
السمره كحل للعين موش بوجنهه صبغ
وكلبي بلهيب العشك جمر المحنه شته

البضية:
البيضة صبحة عيد والوجه نـور بـان
والحسن فوكَ الوجن مثل الثريا بـان
واللي نظر لفتي خسران عقله وبـان
إني البياض الصفي واني الثلج ثوبه
وكل محب شافني كَام وعلن توبه
السمرة لون الفحم والهم صفه ثوبه
والبيضة غصن الندى والوجه نور البان

السمرة:
سمره وبنات العرب تفخر بسمار اللون
والصبر بينا انزرع والوفه بينا لون
والبيضة مثل الشمع تذبل بغير الون
إني التمر والعسل والزاد والقوة
…

هـجـرك ذبـحـنـي وعـلـى طـاريك گـلبي وَصَـل
ومـلـخ دليـلي وجـع وأصـبـح عـضـيدك وَصَـل
لا يـوم طـيـفـك لـفـى ولا مـنّك أجـانـي وَصَـل
بـسـهـام غـدرك صـبتني وللـعـظم نـاشَـت
وجروحـي مـن الـمـلـح بـالـبـيـد مـا نـاشَـت
الـنـار حـدر الـضـلـع بـالـحـشـى نـاشَـت
لـو تـرد لـيـّه تـرى بـجـسـمي مـا ظـل وَصَـل

إحذر تماشي الذي ما يمتلك غيره
وبحر الوفه لو نشف لا تگرب لغيره
الرجل ينهاب لو صان الشرف غيره
والبي حميّة يظل دومه صليب الراس
معدن أصيل وذهب، ما غيّره الـرّاس
تاج الكرامة يظل مرسوم فوگ الراس
والما يغير بضيك، شنهو النفع غيره؟

يا صاح وكتك إذا دارت رحاه وطحن
والگلب صابه السهم من القريب وطحن
شفت الوفه بالبشر صاير سراب وطحن
يا حيف ذاك التعب ضاع ونسيت الـ ربا
وعيني تعاين إلك والدمع عالخد ربا
أنا العليت الصرح وبنيت فوك الـ ربا
هسه ببيوت النمل خلتني أدور طحن

حسنك رمانه بسهم واشخل دليلي شخل
والعمر من فرگتك شـلته بـجـفـوفـي شخل؟
ما ظل صبُر بالحشا والدمع منـي شخل
يا ترف جفني انـثـقـب والـنـوم مـا مـرّبـي
عِـلـيـل صـرت وحـرگ دلّالـي مـا مـرّبـي
دربـك زرعـتـه وفـا ولـلـحـيـن مـا مـرّبـي
صـرت آنه مـن صـدتـك مـثـل الـ يـهـز بـشـخـل
( الشاعر عمرالحربي )

يا دهر كف الغدر، صبري وعزومي بـِـدن
والخيبة لاحت عليّ، وهـدّت قـوايا البـِـدن
أركض وأريد الربح، بس الخسارة بـِـدن
​يا ليت حـظي صـحى، وفـز من سباته وعى
واللي حِـسبته وفـي، بـس للـمـصـالح وعى
بحر الهضم مـوجته، فـاضت بـگلبي وعى
​كضيت عمري خسر، من راسي لجدمي بـِـدن