الكلمة الدلالية: زهيريات فراق

أيلول 30 2023

زهيري من الشاعر محمد طالب عودة إلى …

من الشاعر محمد طالب عودة إلى الفنان قحطان العطار عتب محبين

ياصاح منهو الذي ... وشوش بذانك وطَن
وشيدت في عزلتك .. بأرض المنافي وطن
اصوات بسمك نخت .. ألحگَ عليهن وطن
للشعب عندك طلب ... بِسْم الشعب داعي
نرجوك حاذر تظن ... ما عاد الك داعي
يشدنا الرجوعك أمل.. شما يدعو الك دَاعِي
أشر قياس محبتك ... مليون طنن وطن

للشاعر العراقي
محمد طالب عوده
إضافة زهيري

شباط 10 2021

زهيري منو مثلي جسر لحمول ثقلك حط …

منو مثلي جسر لحمول ثقلك حطَّ متنه
وعر وطويل الدرب عثرات ياما حطمتنه
حديثك طواري الطيب گتلك حطَّ متنه
لجن شخصك عنيد أعله الخيانة هواي برهن
وضنوني شك وخوف حيف زرعت بَرّهن
بارنك جفوفي عُمر گلي شنفع برهن
منك جفلت وبعد سيف بنحري حطَّ متنه


للشاعر محمد طالب عودة

آب 23 2016

زهيري ياترف حبك تره خلاني اكتب شعر …

ياترف حبك تره خلاني اكتب شعر
وكلبي الغيرك ابد مارف حنينه وشعر
تلفان ضليت وشاب الكلب والشـــــعر
ابحر الهموم اغركت وانته الفرح من هلك
بالروح ماضل صبر راح اخطفك من هــــلك
اسئل الحبو كبل من الناس منهو هلـــــــك
عكب الدلال اصبحت بصحراء وبيت الشــــعر

تشرين الأول 20 2015

زهيري مشو عني الاحبهم انعصر كلبي بدربهم …

مشو عني الاحبهم
انعصر كلبي بدربهم
اموتـــن من بــــعدهم
يــــروحـــــي شـــلؤن بيـــةة
على الطول السفرهم
طفت عيني بصورهم
دعيت الله اليردهم
ويـــــردون الـــــيـــــةة

آب 13 2015

زهيري توقيع مني الك والبصمه زائد…

توقيع مني الك والبصمه زائد ... ختم
قصة هوانه انتهت وأعلنهه كلمة ... ختم
مو كَلبي خان العشكَ كَلبك نساني ...وختم
لاتنتظر وتكَول يرجعلي لازم ... يرد
وانساني لاتتصل محد ايجاوب ... يرد
اوراق عندي اشكثر سويت بيهن ... يرد
كل ورقه جانت ولك بوساتي بيهن ... ختم
=========================
ضياء ابو خالد ... واسط
=========================

آيار 28 2014

زهيري - آنة ادري كلبي خشن والان كلبي .. نعم

آنة ادري كلبي خشن والان كلبي .. نعم
خالي ووسيع الصبر ربي وهبني .. نعم
ومن احضة بمحبتك والله منك .. نعم
مادام وبدنيتي مرني ودادك .. وهل
والدمع من الفرح غركي اخدودي .. وهل
تسالني عن داخلي؟ كلبي يحبك .. وهل
بس انتة البداخلة كلبي يكلك .. نعم

آب 8 2011

زهيري - الغيري يغالي صرت وانتة الجنتلي ورد وضليت

الغيري يغالي صرت وانتة الجنتلي ورد
وضليت بس وحدي ابجي وانعي ورد
غصبن علي اجي العرسك واسلم ورد
واضحك ولو هل الكلب نابات بس لاكن
وبكلبي اكول بحزن ريت الجرة لاكان
ما هي قليلة علي يا منيتي لاكن
مجبوراهني واجي وانثر بعرسك ورد

آب 8 2011

زهيري - هجرك علي يا ترف حنظل اقيسة ومر

هجرك علي يا ترف حنظل اقيسة ومر
ما تجرعة الروح كيف احكم عليهة ومر
لهفان اجي لرؤيتك واوصل لدارك ومر
واصيح يا منيتي صوت الصدى ينبيه
والمادرة بعلتي كال الرجل ينبيه
حدر الضلع ما علم شج السهم ينبيه
اطلع ثلث جبدتي وادعي بدليلي يمر

آب 8 2011

زهيري - يادمعة العــــين هلي بكل وكــــت وانــسلي

يادمعة العــــين هلي بكل وكــــت وانــسلي
وياروحي ذوبي على فراك الولف وانسلي
انه شمعتي إنطفت جانت ضية وونسـة لي
وأيــام الافـــراح بدلـــــها زمــــاني بـــــألم
كثرت جروحك يقلبي حـرت شداوي وألم
درسي صفــة بهالأتى ودروس غيري بلم
نشــرح بالأحــــزان عن ذكراكم وانســلي