صدك لاعب ياناس كرستيانو
لاعب صدك فنان مثل البيانو

اقرء كل المنشور قبل لتجاوب وتتفاجى باجابتك مو صحيحه ههههه
هل من شاعر يسجله التاريخ بتكملة هذا البيت الدارمي!
واحله رصيد وشهادة تقديريه للفائز
دعوه للمحاوله بالمشاركه بتكملة الدارمي
والدعوه عامه لجميع الشعراء المبدعين
شطر عرض منذ سنوات وطلبو التكمله
والمطلوب تكملته( باللفظ) والمعنى
الشطر يقول ولا اعلم هو لمن!
السؤال
بينت كل الناس بس انت ماكو
جوابي كان
كالوا بأذر بيجان عاصمة باكو
او
كالولي يم احقول تتسمى باكو
او
كالو وشم خليت والوشمه تاتو
او
كالو عليك الناس بالشده حاكو
يعني لا تكلي فاكو وهاكو وطاكو وراكو وياهو ولاكو وملاكو وتراكو وكاكو ولاكو وراكو وبهواكو وجاكو وفاكو وهاكو وشاكو ههههههههههه لان هذني كلهن مايجن مع (ماكو) انطيني مفرده للقافيه بيها معنى واهم شي تجي باللفظ مع قافية _ماكو-
حسين االساعدي
اذربيجان فعلا عاصمتها مدينة باكو وايضا هناك حقول فقط تتسمى بهذا الاسم
وايضا محاوله لي اخرى صحيحة المعنى
:::كالولي باليونان تلكاها تاكو:::
او
لو تكلب الوكاش تلكاها شاكو
…

احبك حد كطع نفسي واغار عليك
واخاف تمر عليك ايام وتنساني
وادري بؤفاءك تختلف يازين
بس شوف القلق لي وين وداني
اذا دمعي نهر ابجي كله عليك
واخلي الرؤح دؤؤؤم ابعدك اتعاني
حبيبي وصديقي وادعي من الله ينطيني بمحبتك عمر ثاني
واذا مريت لحظة وماشفت عيناك
ابوس اتراب جدمك لؤ تعداني ....... منقول

ارد اسئل الصباغ هم تصبغ اكلوب
لصبغ دليلي عليك وحزن فرد نوب