التصنيف: اشعار زهيري

شعر زهيري - اشعار زهيري - أجمل اشعار الزهيري في سوالف عراقية

آذار 23 2016

زهيري لليحب والمايحب وللي يظد مايلي جفي …

لليحب والمايحب وللي يظد مايلي
جفي اعتنة الطيحتي محد عدل مايلي
تانيت بس مااجة عمرة الفرح مايلي
وخلي واذا مااجة مابينت خلتة
اني الليالي الحزن اكثر صبر خلتة
خاف الشمس غشتة وجو النجم خلتة
شيكول غيمة صفة اني النهر مايلي


سمير صبيح
إضافة زهيري

آذار 23 2016

زهيري اسئلني واني اخبرك علي يرة ومايرة …

اسئلني واني اخبرك علي يرة ومايرة
وعن ياجفن يانهر علي يرة ومايرة
والسيف يشهد غداً علي يرة ومايرة
وعل ماهو والوهوة وعل مايطول وطال
وعلي فجرهم جفة وعلي فجرهم طال
مانعتب اعلة الذي ماطال كلشي وطال
لاكن عتبنة عتب علي يرة ومايرة

سمير صبيح

آذار 23 2016

زهيري برمضان هجرك تبت سحرت كلبي فصم …

برمضان هجرك تبت سحرت كلبي فصم
وحنضل بعد غيبتك خلصتة صماً فصم
يل فاركتني الظهر بيدك فصمتة فصم
وماتنحمل غيبتك بحبال كلبي جرت
خلص دمع ناظري وعيني بشحمها جرت
ارد اسئل العارفة هم اعلة واحد جرت
اعثوك اكو بنخلتة بس ماكو كلها فصم

سمير صبيح

آذار 23 2016

زهيري يفلان هم العلي كاع ويطكها كرك …

يفلان هم العلي كاع ويطكها كرك
ولاتنتخي بكل بشر لو راد دهرك كرك
اشما تتعب وية الردي رايح يصاحب كرك
وثق لوطحت بالعسر بيك النذالة شفت
وجروحي صبخة وتنز لالاتضنها شفت
يل منكسر خاطرك هم مثل هاي شفت
ديج ويعوعي الوكت عالبيض خلا كرك

سمير صبيح

آذار 23 2016

زهيري شيب الذي ابهامتي هموم الوكت دجتة …

شيب الذي ابهامتي هموم الوكت دجتة
وسوالف بالكلب خنجر غدر دجتة
ومن الشماتة ملح جابت الة ودجتة
بسجين عمية وتكص كلبي وضكت كصتك
وتك ايد كص الدهر وسيف الغدر كصتك
شو بس علي من اجي تلطم لطم كصتك
مثل المغيسل صفت كصتك مثل دجتة

سمير صبيح

آذار 23 2016

زهيري تدريني عندي كلب لاحن ولا راح …

تدريني عندي كلب لاحن ولا راح الة
جل طير تعبان لتظن تجد راح الة
وبيامة هم مادرة اشكضة اشبقة اشراح الة
ينكسر ظهر الطير عالبيضة هو يوكف
وضعنك يصاحب زمن لاتعتقد يوكف
المال ماخلة اخو بالضيج الك يوكف
اتبع ضعنهم مشي لامي ولا راح الة
زلمة اليطيحة الوكت والوحدة يوكف

سمير صبيح

آذار 23 2016

زهيري كلي الربع بينو كتلة الربع ضلو …

كلي الربع بينو كتلة الربع ضلو
كلي اشعجب مااجو كتلة اعتقد ضلو
كلي تعرف السبب كتلة السبب ضلو
درب العلينة صعب لو عاذلن مرهم
كلي طبعهم شنو كتلة الحلو مرهم
كلي اذا مااجو كتلة ان عدل مرهم
كلي اشو غيمت كتلة الربع ضلو

سمير صبيح

آذار 23 2016

زهيري راح وكسر خاطري ولملم طيوفة وشال …

راح وكسر خاطري ولملم طيوفة وشال
ونهر المودة نشف ضلت اجروفة وشال
والدهر ماعافني رد عالجفوف وشال
وماعفت انة عشرتك كلبي اعلة حبك ضل
للهجر شو تعتني وعلاوصل كلبك ضل
بجتافي اغطي الشمس بالصيف الملك ضل
ولو مر عليك الشتى لفني اعلة صدرك شال

سمير صبيح

آذار 23 2016

زهيري اجلي بحديد الزمن مبرد وانة منجلي …

اجلي بحديد الزمن مبرد وانة منجلي
بس جية الموت مامنها ابد منجلي
يكولون ليل الحزن لابد وان منجلي
وتطلع علينة شمس لمن وكتها يحن
وجف الهجر حنتة للحنة يرجع يحن
يفلان تدري شوكت كلبك علية يحن
لمن على السنبلة يعطف كلب منجلي

سمير صبيح