التصنيف: اشعار زهيري

شعر زهيري - اشعار زهيري - أجمل اشعار الزهيري في سوالف عراقية

شباط 10 2021

زهيري منو مثلي جسر لحمول ثقلك حط …

منو مثلي جسر لحمول ثقلك حطَّ متنه
وعر وطويل الدرب عثرات ياما حطمتنه
حديثك طواري الطيب گتلك حطَّ متنه
لجن شخصك عنيد أعله الخيانة هواي برهن
وضنوني شك وخوف حيف زرعت بَرّهن
بارنك جفوفي عُمر گلي شنفع برهن
منك جفلت وبعد سيف بنحري حطَّ متنه


للشاعر محمد طالب عودة
إضافة زهيري

شباط 9 2021

زهيري ش ع ر ت بمرورك أمس …

شَعَرَت بمرورك أمس لمن علي مرَّ دوّد
يتبع أثر خطوتك يدري العسل مَردود
ويدري أنته كلك كرم ماترد گاصدك مَرْدُود
المفروض عندك عرش وأنته الملك مَثَله
والمفرض شخصك رمز عِبْرَة وللخلگ مثله
بس أنته نَّاسِك طَبِعَ دَوْرٌ السمح مَثَلَه
وجاوبني ليش شعجب بابك عَلَيْ مردود

للشاعر محمد طالب عوده

شباط 9 2021

زهيري يا حيف هذا الزمن مرمر دليلي …

يا حيف هذا الزمن مرمر دليلي وَعَل
مثلك عَلَي فَرَضَ وعن فَرَضَه مالي وَعْل
ضليت أرجى الوكت عسى يدور وعلّ
من حيث ماضل صبر والأمل منك خَابَ
والضَّيْم من عمري أكل خلص أَطوَارًه وخابَ
كل هذا وتلومني وتلعن زمانك خاب
حيف أعله مثلي نّمر يتغاوه مثلك وَعْل

....................
محذوري لغيرك إلك جوزته كله وجَازَ
فعلي الخيال بخدمتك والما جاز لجلك جاز
اِزَجَر كليبي زَجَرَ لو لحضة منك جَازَ
تدريني حبي بحر فايض بالوَفا مَدَّه
جازيني عاد بلطف وأخلاصي بوَفا مَده
مايكفيني منك لطف وصبري بوصف مده
شماتي تعزف صبا لا تخليها تعزف جاز

للشاعر العراقي محمد طالب عوده

شباط 9 2021

زهيري المشاركات 5 أثرها أعله الجرح وأضح …

المشاركات: 5
أثرها أعله الجرح وأضح مرسال ألك هنة
بصمات خله بقصد ياگلبي أعله المحب هنة
كافي أكطع مكاتيب العتب بأن بهوا هَنَة
شتريد منه شضل بعد حالي العذول أَذْهَلَ
وأذ ماتعني خَلَّه بمحب هذآ الجرى إذ هل
صايم تخلص العمر وهلال تتنطره إذ هل
كل البشر عيدت شو مامر بالجذب هنَّه

للشاعر محمد طالب عودة

شباط 9 2021

زهيري لعراق قربان أقدم العمر يغدي العمر …

لعراق
قربان أقدم العمر يغدي العمر لعراق
وين ألگه مثله وطن متعدد الأعراق
تعداد جاب المجد من أعرق الاعَرَاقَ
رغم الوكت أطنان هم وتعب شيله
وجور هذا الزمن بعمامة حزن شيله
بالروح أحس بالنبض دايم يدب شيله
يستاهل أفدي عمر خل أتعب وأعرق
.........
رغم العوز بالعوز هد أبنك وعانه
ماغير چف أبنك نفض حملك وعانه
چفوف ألي كلت زادنا ونكرت وعانه
لا يغرك برق خداع معدنهم ودُرّهم
خيرهم ثمل بالعار ما ذكر وَدَرَهم
رخلصوا صار الفلس قميتهم ودرهم
ولو درهم چثير أعله خيرهم وعانه

للشاعر محمد طالب عودة

شباط 9 2021

زهيري مشكور ماقصرت سهمك بالگلب جبته هذا …

مشكور ماقصرت سهمك بالگلب جبته
هذا أنا عود بشغف كونك بحث جبته
عليك ولَوَنْ كافر عشك يعبد كفر جِبْته
ماچان لي هذا جزه وچفك ورد أَهْدَانِي
ما ادري أشيد قصر فوق الرمل أهَدَّ أني
عساها بحظ الذي لدرب العشك اهداني
أوصلني حال الذي ضامي ويحفر بالفلاه جُبِّته

للشاعر العراقي محمد طالب عوده

كانون الثاني 25 2021

زهيري يسألني الاحبه اليوم عن حالي عاينت …

يسألني الاحبه اليوم عن حالي
عاينت وكتله بألم اني طيب خاطر
ويكلي مكدر للعشك كتله اني طيب خاطر
ويكلي روح ولا ترد
كتله اني مالي خاطر
كلي اتأخر يا ولد
كتله اني اصبر ناطر
كلالي وشلون الوكت
كتله اني اصبر ناطر
كلالي انطرني سنه
كتله انه صابر ناطر
كلالي اخاف من الوكت يكسر كليبك اترك
كتله اني من اول صغر جابوني مكسور الخاطر

ظاهر الزيداوي

تموز 17 2020

زهيري يادار وين الربو عامات في جالج …

يادار وين الربو عامات في جالج
امسوا بعيدين ومامنهم حدى جالج
عافوج ياوسفتي وهدموا من جالج
وخلوج مسكن طيور هراب والبومي.
ودموا ابيار الوفى النشف والبي مي
ياحيف هذا الوكت ترضين ياامي
ويادار طول العمر حكي الطم ابجا لج

آيار 8 2020

زهيري بطلي الملاعيب عل الشفتين مو تحمر …

بطلي الملاعيب عل الشفتين مو تحمر
ولو جيت ابوسك گبال الناس مو تحمر
ردنه انتمرمر بطعم اشفاك ما تاح مر
وحنه الكضينه العمر نشرب حسن من حلاه
شايل عسل مو عسل داخت عليه منحله
لبست ولفي خمار من الحسد من حلاه
عيونه مصيبه وعليه خدود موت احمر

للشاعر ليث العلي