يادار وين الربو عامات في جالج
امسوا بعيدين ومامنهم حدى جالج
عافوج ياوسفتي وهدموا من جالج
وخلوج مسكن طيور هراب والبومي.
ودموا ابيار الوفى النشف والبي مي
ياحيف هذا الوكت ترضين ياامي
ويادار طول العمر حكي الطم ابجا لج

‏وَعلى بَاب الأمَل سَنَكون صَابرين مَهما كَانت الأقدَار

بعدني اشتاكلك لو يجي العيد
ويمر اسمك وحس الروح مختنكه
تراني وياك عشت اسنيني بس احلام
افز من الحلم الشو كلشي ما الكه؟؟
صدك هسه انته يمغيري يفلان
تره اذا ماتت الشجره ماتضل وركه

آنة ادري كلبي خشن والان كلبي .. نعم
خالي ووسيع الصبر ربي وهبني .. نعم
ومن احضة بمحبتك والله منك .. نعم
مادام وبدنيتي مرني ودادك .. وهل
والدمع من الفرح غركي اخدودي .. وهل
تسالني عن داخلي؟ كلبي يحبك .. وهل
بس انتة البداخلة كلبي يكلك .. نعم

الدنيا بالضيم من دون ربعي خلتني
وسهام القهر ابنص الجبد خلتني
مالي غير الصبر دوا كلت خل أتني
وحبابي غابوا والوكت بيهم دوا
جابولي الحكيم مالكه لصيبي دوا
سهيره العين ماتقبل عادت الدوا
ويحيف الدنيا بحساب المجانين خلتني

يدار وني ابهضم على الجانولج علم
ابذراهم جنتي ولج بالطيب علم
من عكبهم ياحيف مارفلج علم
هنتي اشعجب مو جان الملاذ بيج
راحت معاهم معاني الجود وجانت بيج
اشغيرج يدار اشوف بس الحزن بيج
مو جنتي ابذراهم دوم بالفرح يرفلج علم

يازين طعم العسل مخزون في شفتك
وروحي عليه ترد ولله لولحت شفتك
شفتي تعاسه واسه وصار الفرح شفتك
وكل ما اخلص حزن حزني عليه يعيد
والجان ماصدكت هاك الاجروح وعد
صايم ولا افطرت من مر عليه العيد
ايصير اعيد وانته اهلال ماشفتك


يا صاح انت الكبد وانت بحياتي ورد
اتمنيت اوصل الك وانطيك روحي ورد
بالروح حبك زرع بستان هيل و ورد
وسهام حبك صفن بالكلب ميه والف
انت وليفي صرت وماعندي غيرك ولف
لو ابقى كل العمر افتر وادور ولف
ما ألكه مثلك محب ولا ألكه مثلك ورد



كصت شعره الخلك بس مو مثل كصتك
وماشفت بين البشر طولك ولاكصتك
جن واله انس كلي شنو كصتك
عجبني طيفك معاي ايبات عجبني
وكل ما اروح الدرب الكاه عاجبني
تدري شنو انته الفتني وبيك عاجبني
…

زعلان بس يازعل لمن ترد للصدك

كبل المنادي اجى وشلون جيه ........اجي

اركض ركض محترك

ياللذتك ابمهجتى.....وين الكه مثلك هوى

لولاك والله..............اختنك

هيه شراكة نفس لو سكت كلبك سكت كلبي

ويدك......لو......يدك

لوما وكتنه صعب ماجان ابد....نفترك

************

كل هالمسافه....البعد...!!

وسوالفك تنسمع جن احنه...حلك اب حلك

يامن امكدر علي !!! غيرك فصاله صعب

جم دوب اخيط وشك
…