ياصاحب ارجوك باخلاق المكارم جلب
جلب بها وصير لكشور النوايب جلب
الناس ماهم سوة بيهم حقب وجلب
وبيهم تحسبة وتنسبة وللشرف ينساب
وبيهم شبيه الافاعي لو لدغ ينساب
بالك تسب النذل ماله عرض ينساب
وان جان عضك جلب بالك تعض الجلب
معذرة لتكرار كلمة جلب اجلكم الله

يساكن ارويحتي هاك استمع ما يلي
وحدك عشت بالكلب وغيرك ابد ما يلي
عطشان انا الشوفتك يلشوفتك مي الي
والشبع من شوفتك كل عمرة يبقة عدل
وياك ما خالفت صدكني ماشي عدل
لا يرضاها قاضي شرع ولا يرضاها قاضي عدل
للناس تحكم عدل وحكمك علي مايل

اغنم زمانك ترى يوم الحشر مَنْهُلك
ربك كريم وسخي كل العَجَب مَنْهَلَك
ياصاح حُكْم الشَّرع خيرُ وسَعَد مَنْهَلك
جنات ما تنوصف نفسك بعد راويها
بكتاب رب الخلق إهو الذي راويها
وابشر بآل النبي كاس النبي راويها
هيهات تعرف ظما حوض النبي مَنْهَلَك

آنة ادري كلبي خشن والان كلبي .. نعم
خالي ووسيع الصبر ربي وهبني .. نعم
ومن احضة بمحبتك والله منك .. نعم
مادام وبدنيتي مرني ودادك .. وهل
والدمع من الفرح غركي اخدودي .. وهل
تسالني عن داخلي؟ كلبي يحبك .. وهل
بس انتة البداخلة كلبي يكلك .. نعم

ياصاح كلبي انكسر عيب اتحصل لحمته
اوثوب التهاني ركد مبتوت من لحمته
غم الرجل لويطلب الانوال من لحمته
ياصاحب الروح بعنان الصبر عنهه
اولهل المكارم لو بغتبب بالعجل عنهه
لجن بدت مسأله رد انشدك عنهه
كلي الجلب لوسمن هم تنوجل لحمته؟...كان هذا سؤال من احد الشعراء غير معروف عندي

جدمي لطف بالمشي من خاطرك لوسار@
عيب اسالك ياترف حالك حزن لو سار@
مايخفى حال المحب ماهو لغز لوسر@
من حيث كلب المحب حامل جثير اوجاع@
وبشوفتك ياحلو كلبي شبع ماجاع@
يوجع فراك الاهل بس فركتك اوجع@
ودي احث الجدمخلف الضعن لوسار

شكثر ما اشتاقلك عاقبت نفسي شربت نفط بكلاص حسبالي ببسي

يازين طعم العسل مخزون في شفتك
وروحي عليه ترد ولله لولحت شفتك
شفتي تعاسه واسه وصار الفرح شفتك
وكل ما اخلص حزن حزني عليه يعيد
والجان ماصدكت هاك الاجروح وعد
صايم ولا افطرت من مر عليه العيد
ايصير اعيد وانته اهلال ماشفتك


يا صاح انت الكبد وانت بحياتي ورد
اتمنيت اوصل الك وانطيك روحي ورد
بالروح حبك زرع بستان هيل و ورد
وسهام حبك صفن بالكلب ميه والف
انت وليفي صرت وماعندي غيرك ولف
لو ابقى كل العمر افتر وادور ولف
ما ألكه مثلك محب ولا ألكه مثلك ورد



كصت شعره الخلك بس مو مثل كصتك
وماشفت بين البشر طولك ولاكصتك
جن واله انس كلي شنو كصتك
عجبني طيفك معاي ايبات عجبني
وكل ما اروح الدرب الكاه عاجبني
تدري شنو انته الفتني وبيك عاجبني
…

يا صاح صفو الحجي طيــــب ملا فيكــــم
ولكل زمن دول مضى فخــــر الملا فيكـم
مقياس ظل الرجل أشكــــال الملا فيكـــــم
جف الخصيم ارتجف مرعوب من طوگك
وأرياح تشفي النفس هبهاب من طوگـــــك
ترحاب فوك الهلا للضيف منطوگـــــــــك
أبن العزير ونعـــــــــــــم عزوة الملا فيكم

يابو مها وجلان أسيل الطروش وأنشدلك
هزنا الجرالك وثار العزم وأنشـــــــــدلك
أنت الي أتشيل الجتب يهديب وأنشدلــــك
واللي غزوكم أفلول راح منهـــــم بـــــت
أسود الغاب بالأقفــــاص ما هــــــــــابت
مو عيب السجن للرجـــــــــال لو هبـــت
وسام أبطال يبن أعزير وأنشــــــــــــدلك